Realizado por Paz con Dignidad en: http://ift.tt/2rBkDYs

Pueblos - Bakea eta Duintasuna Elkarteak, Antxeta Irratiak eta Arrosa Sareak, "Hizkuntza minorizatuak eta irrati libreak" TOPAKETA antolatu dugu ekainaren 28tik 30era. 

Hedabideak dira, gaur egun, hizkuntzaren barne bizitza eta kohesioa erakusteko tresnarik eraginkorrenetakoak. Hizkuntz komunitate baten partaideen kultura ekoizpenak argira ateratzeko leihoak dira, hizkuntzaren beraren bizitasunaren isla, munduarekin komunitate horrek nahi duen harreman motaren neurtzaileak, eta, batez ere, hiztunen arteko hartu emanaren sakontasun eta mailaren ziurtagiriak. Hedabideen bidez komunitateek elkarren berri izaten dute, eta hedabideen bidez haien buruaren berri ematen diote munduari. Hedabideen garrantzia, horregatik, funtsezkoa da hizkuntzen berreskuratze prozesuetan. Jardunaldi honekin Europako hizkuntza minorizatuak biziberritzeko helburuarekin diharduten irrati libreen arteko elkarlana sustatu nahi dugu,  hurrengo helburuekin:

-        Europar Batasunean Komunikazioaren demokratizaziorako sortutako prozesuen arteko trukaketa eta ikasketarako espazio bat sortu;

-        Herri-komunikabideen bidez euskara biziberritzeko Euskal Herriko esperientzia balioan jarri; eta,

-        Eztabaida eta analisia sortu komunikazioak hizkuntza gutxituak biziberritzeko izan dezakeen balioaz.

 Horretarako, hurrengo gonbidatuak izango ditugu gurekin, besteak beste, Kerme Irratia (Bretoiak), Fimoc (Okzitania), Cuac Irratia (A coruña), Na life Irratia (Dublin) eta Arrosa Sarea (EHko Irrati Libreak).